Vetën një ditë na ndan nga ndeshja më e rëndësishme e javës në vend, derbi, dhe duket se të dyja skuadrat kanë filluar përgatitjet.
Tirana do të presë nesër në orën 19:00 në stadiumin “Air Albania” skuadrën Partizanit, në atë që pritet të jetë një takim plot emocion.
Tashmë edhe ekipi i Partizanit ka publikuar një video motivuese për skuadrën dhe tifozerinë mbështetëse, në të cilën thekson se ekipi është krenari.
Kujtojmë që disa orë më parë ishin bardheblutë ata që publikuan një video të ngjashme për ekipin e tyre.
Ndeshja e së premtes pritet të jetë plot emocion dhe me pjesëmarrje të madhe, pasi deri më tani rezultojnë të jenë shitur plot 14 mijë bileta./Fjala.al/
