Ish-kryeministri i Maqedonisë së Veriut Zoran Zaev ka përshëndetur Kongresin e PS. Video është shpërndarë përmes rrjeteve sociale nga sekretari i përgjithshëm i PS, Taulant Balla. Ne video Zaev shpreh në gjuhen shqipe mbështetjen për Shqipërinë.
“Të dashur socialistë, i dashur shoki Edi. Ne ndajmë të njëjtat ideologji, punojmë për synime të njëjta! Jemi dy vende të ndryshme por shumë të ngjashme në rrugën nëpër të cilën kemi zgjedhur të ecim në zotimet tona. Të ndërtojmë shtete të forta e të zhvilluara, partnerë në botën demokratike. Prioriteti ynë kryesor është të kujdesemi për qytetarët dhe një jetë më të mirë për ta, por gjithashtu t’i bëjmë dy vendet tona pjesë të familjes së madhe evropiane.
Megjithatë po ecim me guxim dhe vendosmëri drejt integrimit. Kjo është arsyeja pse në mbështetemi dhe e dimë se nuk jemi vetëm në këtë qëllim! Jam i bindur se së shpejti Shqipëria dhe Maqedonia e Veriut, do të festojnë për lajmin e mirë që do të vijë nga Samiti i Zagrebit, dhe më pas do të vazhdojmë të punojmë me më shumë përkushtim për qytetarët tanë. Ju uroj një Kongres të suksesshëm dhe besoj se do kemi bashkëpunim edhe më intensiv, mes dy partive dhe dy shteteve fqinje. E keni mbështetjen tonë.” – deklaroi ish-kryeministri i Maqedonisë së Veriut, në videon e transmetuar në kongresin e PS.
Fjala përshëndetëse e Zoran Zaev për Kongresin Zgjedhor 2020 të Partisë Socialiste
Gepostet von Taulant Balla am Samstag, 29. Februar 2020
