Ballist Morina do t’i bashkohet tubimit të Ilir Metës.
“Unë do jem për herë të parë në një tubim të tillë. Mos hezito, eja edhe ti”, shkruan Morina duke lënë të kuptohet se do të jetë i pranishëm në protestën e presidentit.
Morina njihet për ngritjen e dronit me simbolet kombëtare në stadiumin e Beogradit në ndeshjen e vitit 2014 midis dy kombëtareve, një ngjarje që precipitoi në dhunë midis dy skuadrave dhe qëndrime të ashpra deri në nivelin më të lartë sportiv dhe atë politik.
Me qëndrimin e fundit, Morina bëhet sërish protagonist duke iu bashkuar kreut të shtetit Ilir Meta ditën e hënë në orën 17:00 të pasdites.
Ballist Morina aktualisht jeton në Itali. Ai i shpëtoi burgimit në Serbi, edhe pse akuzohej si shkaktar i trazirave në ndeshjen Shqipëri-Serbi.
