E quajtur ‘Chloroquine’, e provuar kundër malarjes dhe disa sëmundjeve autoimune, tashmë po përdoret edhe kundër koronavirusit.
Në testet e zhvilluara nga mjekët ai ka rezultuar i efektshëm. Ky ilaç që është përdorur edhe kundër Ebolës po testohet tek 761 pacientë dhe do të prezantohet më 27 prill.
Ilaçi kundër koronavirusit do të jetë i ndërthurur me dy ilaçe që përdoren për të luftuar HIV-in dhe pritet të jetë efektiv edhe kundër koronavirusit.
Asnjëherë më parë nuk janë provuar kaq shumë trajtime dhe në një mënyrë kaq të shpejtë kundër një sëmundjeje.
Kjo po tregon nivelin e lartë të urgjencës që sjell Covid-19 ose i njohur ndryshe si koronavirus.
Më shumë 100 prova klinike po zhvillohen në Kinë dhe rezultatet e deritanishme tregojnë për efikasitetin e mundshëm të të gjitha llojeve të trajtimeve, nga antiviralët tek modulatorët e sistemit imunitar, përmes qelizave burimore, terapive të mjekësisë tradicionale kineze dhe antitrupave të dhuruar nga njerëzit që janë shëruar, shkruan gazeta spanjolle La Vanguardia.
Rezultatet e provave të para klinike me pacientët në Wuhan pritet të dalin në fund të prillit.
“Nëse ilaçi provon të jetë efektiv dhe i sigurt, Kina mund do ta aprovojë atë në muajin maj”, tha Shibo Jiang, një virolog në Universitetin e Shanghait.
Organizata Botërore e Shëndetësisë (OBSH) po bashkëpunon me shkencëtarët kinezë në mënyrë që provat klinike të kenë efektin e nevojshëm për t’i bërë të dobishme rezultatet e tyre./Fjala.al/
