Koronavirusi ka alarmuar çdo person në çdo cep të botës dhe përfshirë këtu edhe botën e sportit.
Madje është duke u aluduar se mundet që të anulohet edhe zhvillimi i Europianit të këtij viti, që është planifikuar për t’u zhvilluar në 12 qytete të kontinentit, ku përfshihet edhe ai i Romës.
Megjithatë situata në Itali është shumë delikate në tre nga rajonet më të mëdha të vendit që kanë shumë persona të prekur nga ky virus i rrezikshëm, si Lombardia, Veneto dhe Emilia Romanja të shpallura zonë e kuqe nga qeveria.
Megjithatë Presidenti i FIFA-s, Xhani Infantino ka deklaruar se nuk ndihet i shqetësuar, ndonëse qeveria e futbollit nuk injoron asnjë skenar.
“Nuk mund të përjashtojmë asgjë, por nuk duhet të na zërë paniku. Personalisht, nuk jam i shqetësuar, por duhet t’i shohim me shumë seriozitet zhvillimet. Shpresojmë që të mos arrijmë deri në pezullimin e eventeve të rëndësishme të shkallës globale.”-tha ai./Fjala.al/
