Banorët e zonës së Unazës së Re i janë bashkuar thirrjeve të Presidentit Ilir Meta për tubim në bulevardin Dëshmorët e Kombit.
Ata prej muajsh të tërë tashmë ndodhen në protestën për të mbrojtur banesat e tyre nga projekti i “Unazës së Madhe” që prek banesat e tyre. Me jelekë të portokalli siç edhe e kanë filluar protestën e tyre kohë më parë, banorët e Astirit i janë përgjigjur thirrjeve të Metës dhe kanë dalë në manifestim.
Përveç jelekëve të veshur ata kanë edhe flamuj të vegjël kuqezi në duar dhe janë duke marshuar me thirrjet: “Liri Demokraci!”, “E duam Shqipërinë si gjithë Europa”./Fjala.al/
