Presidenti i Republikës, Ilir Meta i ka dhënë afat deri më 15 mars kryeministrit Edi Rama për të reflektuar dhe për të marrë në konsideratë thirrjet e shqiptarëve në protestën e zhvilluar sot në Tiranë.
15 marsi, kur është edhe dita e fundit e diskutimeve për reformën zgjedhore midis mazhorancës dhe opozitës, është përcaktuar nga Meta si dita përfundimtare për reflektimin e Qeverisë. Në të kundërt paralajmëroi Presidenti, do të firmosë shpërndarjen e Parlamentit.
“Nëse nuk do ta marrin seriozisht thirrjen tuaj, unë betohem se atë dekret nuk do ta firmos këtu, por në mes të Parlamentit, në mes të krimit”, theksoi Meta.
