Imazhi i Luka Modric në Real Madrid është duke humbur zhurmshëm. Mesfushori kroat (34 vjeç) nuk është më i negociueshëm në skemat e Zidane dhe tani zë më rregullisht vendet e stolit të Madridit.
Pa vazhduar më tej, në “El Clasicon” e kaluar që u fitua nga skuadra e tij me rezultatin 2-0, numri 10 i Realit nuk ishte nga të zgjedhurit në formacionin fillestar duke nisur kështu dy duele të drejtpërdrejta kundër Barcelonës në stol.
Në fakt, në Ligë, ai ka qenë pjesë e formacionit në 13 nga 26 ndeshjet e luajtura deri më tani, duke përfunduar 90 minuta në vetëm pesë prej tyre.
Në Kupën e Mbretit ai luajti vetëm 44 minuta, ndërsa në Ligën e Kampionëve ishte i pranishëm tre nga shtatë ndeshjet që skuadra ka luajtur raporton “El Mundo Deportivo”.
Figura e Beckham dhe MLS në horizont
Përveç të gjitha më lart, David Beckham është duke e kërkuar Modric te MLS. Një destinacion ekzotik që Modric mund ta shihte me sy të mirë pasi të mbaronte kontratën e tij me Real Madrid që skadon në vitin 2021.
Ish lojtari britanik, pronari i Inter Miami, është si ‘i çmendur’ për kapjen e yjeve të mëdhenj në futbollin evropian dhe për të përfituar sa më shumë nga karriera e tyre siç bëri në Los Angeles Galaxy tashmë në muzgun e karrierës së tij.
Ky opsion është shumë i mirë për Lukën në këtë fazë të karrierës së tij dhe që përshtatet dhe me planet e skuadrës së Beckham./Fjala.al/
