Botuesi Henri Çili i është përgjigjur njërës prej akuzave sipas së cilës, Çili i kishte premtuar Adil Alikos, se do të ndikonte në Gjykatën e Lartë për të liruar të birin e tij, Arbion Aliko të dënuarin përjetë për vrasjen e efektivit të RENEA-s.
Sipas Çilit, ai nuk i ka premtuar asgjë të atit të Arbion Alikos, por vetëm ka vepruar përmes studios së tij ligjore për të ndërtuar një fushatë komunikimi mbi mbrojtjen e të drejtave të të dënuarve, që sipas Çilit u janë shkelur në mënyrë flagrante.
“Kjo pyetje është absurde dhe si e tillë nuk qëndron. Nuk e kam premtuar këtë gjë. Por kam premtuar një fushatë komunikimi për një proces të drejtë ligjor bashkuar me organizatat e të drejtave të njeriut pasi ka shkelje flagrante të të drejtave të të dënuarve. Takimi me një funksionar të lartë të sistemit të drejtësisë”, u shpreh Çili.
