Kuvendi miratoi sot me 89 vota pro aktin normativ “Për masat parandaluese në kuadër të forcimit të luftës kundër terrorizmit, krimit të organizuar, krimeve të rënda dhe konsolidimit të rendit e sigurisë publike”, e njohur ndryshe si paketa “Anti KÇK”.
Në seancën e sotme plenare, Kuvendi miratoi paketën “Anti KÇK” me 89 vota pro, 3 abstenime dhe 17 vota kundër.
Po ashtu, Kuvendi miratoi me 85 vota pro, 4 abstenime dhe 13 kundër edhe projektligjin “Për disa shtesa dhe ndryshime në ligjin nr. 34/2019, “Për administrimin e pasurive të sekuestruara e të konfiskuara”.
Sipas mazhorancës, kjo paketë do të thellojë luftën kundër krimit të organizuar në Shqipëri dhe do të godasë kriminelët te pasuritë e tyre, duke i pamundësuar aktivitetet.
