Mjeku infeksionit në QSUT, Pëllumb Pipero, është shprehur në “Opinion” se deri më tani nuk ka konfirmim zyrtar për pacient të prekur me koronavirus në Shqipëri.
Pipero tha se koronavirusi mund të kaloj nga një person i infektuar të një njëri i shëndosh dhe pa shfaqur simptoma. Po ashtu, mjeku tha se personalisht mendon se koronavirusi duhet të jetë futur në Shqipëri.
“Fakti që në Itali pacienti i parë u zbulua pas 7-8 ditësh pais ishte shtruar në spital, do të thotë se koronavirusi ka qarkulluar 2 javë më parë në Itali. Ky është një virus që që ka periudhe inkubacioni shumë të gjatë. Faktet dëshmojnë që virusi mund të transmetohen nga një njeri i prekur tek një njeri i shëndosh pa pasur simptoma. Unë mendoj personalisht që koronavirusi duhet të ketë hyrë në Shqipëri, ndoshta nuk jam i saktë, mund të kem gabuar. Aktualisht nuk ka asnjë të dhen që të kemi qarkullim të shtuar në Shqipëri”, u shpreh Pipero.
Gjithsesi, drejtori i Qendrës Kombëtare të Urgjencës Mjekësore, Skënder Brataj u shpreh se koronavirusi nuk ka hyrë në Shqipëri.
“Unë mendoj se nuk ka ardhur në Shqipëri koronavisrusi për disa motive. Po hyri virusi përcjelljen nga personi tek personi dhe nuk e komandon do të më e kjo do të shfaqej tek personat, gjë e cila nuk është shfaqur. 50 personave u janë bërë analizat dhe janë negativë dhe rezultojnë se kanë gripin A dhe B dhe kemi skeduar 726 persona përmes 127, që telefonojnë. Një që ka temepraturë dhe dhimbje fyti nuk ka urgjencë, ka kohë që ta vlerësosh mirë. Shumica e mostrave për analizat janë marrë në shtëpi”, tha Brataj.
