Trajneri i Tottenham-it, Jose Mourinho i ka dalë në mbrojtje lojtarit të tij Eric Dier, pas një incidenti që ka ndodhur në përfundim të ndeshjes së skuadrës së tij ndaj Nowich City.
Ky takim që ishte i vlefshëm për FA Cup, u humb nga skuadra e Mourinhos pas gjuajtjes me penallti, megjithatë vëmendje të veçantë mori një ngjarje në përfundim të takimit.
Eric Dier u ngjit në shkallët e stadiumit për t’u përballur me një tifoz që i kishte ofenduar familjen dhe ishte duke u zënë më vëllanë e tij më të vogël.
“Mendoj se ajo që bëri Dier ishte joprofesionale, por në të tilla rrethana kushdo do të kishte vepruar njësoj. Çdonjëri nga ne do të vepronte në atë mënyrë. Ne jemi profesionistë dhe duhet të kemi kujdes, gjithsesi dua ta përsëris që jam me lojtarin dhe e kuptoj sjelljen e tij. E di se sjellja e Erikut erdhi sepse ata i rrethuan vëllanë dhe nuk i pëlqeu kjo gjë,”-u shpreh portugezi Mourinho raporton “The Guardian”./Fjala.al/
