Një shekull klub, Tirana i afrohet më shumë trofeut të Superligës

113 563 lexime

124,178FansaPëlqeje

Pas një nisjeje jo të mirë të sezonit të Kategorisë Superiore të futbollit, ekipi i Tiranës merr hov me njëmbëdhjetë fitore dhe vetëm një barazim, kap kreun dhe shkëputet gjashtë pikë nga Kukësi i vendit të dytë. Marshimi i fitoreve që nisi pas asaj të derbit me Partizanin dhe Egbo si “hajmali” e klubit.

Në 100-vjetorin e krijimit të klubit, Tirana duket se ka rezultuar të jetë në një prej sezoneve më të mira në më shumë se një dekadë. Bardheblutë e kryeqytetit kishin një nisje jo shumë të mirë të kampionatit të sezonit të viteve 2019-2020, megjithatë vendosja në krye të stolit të tyre e Emanuel Egbosë rezultoi të ishte vendimi më i mirë i marrë nga Tirana.

Skuadra kryeqytetase qëndron në krye të Kategorisë Superiore me plot 50 pikë dhe e shkëputur me një diferencë prej 6 pikësh nga Kukësi i vendit të dytë, i cili në katër ndeshjet e fundit ka bërë disa hapa falsë.

Java e 25-të për bardheblutë erdhi me një tjetër fitore, ky skuadra e drejtuar nga Egbo fitoi me rezultatin 0-2 ndaj Flamurtarit të Vlorës. Ndonëse nuk mund të cilësohet si një nga ndeshjet më të bukura të bëra nga ky ekip, Tirana mundi që të merrte 3 pikë të vlefshme.

Goli i parë që i dha avantazhin këtij ekipi u realizua nga një lojtar i vlonjatëve, pra ishte autogol i bërë nga Jurgen Vrapi në minutën e 33-të të lojës. Ndërsa deri pak minuta para përfundimit të ndeshjes rezultati i qëndroi me rezultatin 0-1, në minutën e 88-të të takimit Uinful Kobina shënoi duke i dhënë skuadrës së tij dyfishim të rezultatit.

Pas mbarimit të ndeshjes, në komunikimin për mediat, trajneri i Tiranës u shpreh se ndonëse kjo lojë nuk ishte një nga më të bukurat e realizuar së fundmi nga skuadra e tij, rezultati ishte ai që ka rëndësi. Në një vështrim të ndeshjeve të realizuara nga kryeqytetasit nën drejtimin e Egbosë, bardheblutë kanë marrë 1 barazim të vetëm, atë ndaj Skënderbeut që u luajt në “Air Albania” më 15 shkurt.

Takim i cili u mbyll me rezultatin 1-1, pasi korçarët u kthyen si kurrë më parë gjatë këtij sezoni në formën e tyre më të mirë. Ndërsa në llogaritjen e të gjitha kompeticioneve në vend, përfshirë këtu ndeshjet për Superligën dhe ato për Kupën e Shqipërisë, kjo skuadër numëron plot 12 fitore dhe asnjë humbje. Sagën e triumfit me rezultate të lakmueshme të kryesuesve aktualë të Superligës e filloi derbi Partizani-Tirana, të cilin bardheblutë e fituan me rezultatin 1-2, që ishte edhe surpriza më e madhe në këto 5 vite.

Lexo edhe :  Zjarret në Los Angelos, pasoja katastrofike/ Dëmet llogariten në mbi 150 mld dollarë

Ajo ndeshje u cilësua si një fitore historike, pasi skuadra në fjalë kishte plot 5 vite që nuk arrinte të mundte kundërshtarët e saj të përjetshëm dhe maksimumi i rezultatit që kishte marrë deri në ato momente ishte vetëm barazimi.

Derbi tjetër i ardhur pas kësaj fitoreje, ai i datës 28 shkurt, ku pritës ishin bardheblutë, po ashtu hyri në histori. Skuadra e Egbosë mori një fitore me rezultatin 5-1 dhe i shkatërroi të kuqtë e Partizanit në stadiumin “Air Albania”.

Dy golat e Idriz Bathës realizuar me penallti, goli i 18-vjeçarit Ernest Muçi, goli i Agustin Torasës dhe autogoli i Hektor Idrizajt dhanë një superperformancë për tifozët bardheblu që kishin mbushur në kapacitetet maksimale “Air Albanian”.

Në 13 ndeshje të realizuara nga bardheblutë në këto javë skuadra e Egbosë ka shënuar plot 33 gola që është një shifër goxha e lartë dhe ka pësuar vetëm 9 gola dhe këto deri diku nga pakujdesia e momentit më shumë sesa nga ndeshjet e forta, nëse do të përjashtojmë këtu takimin me ekipin e Kukësit para dy javësh.

Duket se 100-vjetori i krijimit të kësaj skuadre me shumë gjasa do të jetë edhe viti i rikthimit në shtëpinë bardheblu të titullit kampion i Shqipërisë dhe ringritjes së fuqishme të kryeqytetasve.

Pritshmëritë e tifozerisë së klubit kryeqytetas janë shumë të mëdha dhe një nga sukseset në vijim të ekipit lidhet pikërisht me mbështetjen e tyre në shkallët e stadiumit, duke u kthyer në një “forcë” më shumë edhe në fushën e lojës.

Gjithashtu, tifozeria, pas rezultateve të mira, duket se ka rregulluar edhe marrëdhëniet me presidentin e FK Titanës, Refik Halili. Ai është kontestuar prej tyre në sezonet e shkuara, sidomos pas rënies së Tiranës nga kategoria tre vjet më parë, që ishte edhe periudha më e errët e ekipit më të titulluar në vend. Tashmë duket se gjithçka është lënë pas dhe tifozeria, por edhe vetë klubi, kanë pretendime për të qenë ata fitues të kampionatit në këtë edicion, ndonëse janë edhe dhjetë ndeshje të tjera për tu luajtur.

/Nga Katerina Tafa/ Gazeta Fjala/

 

 

Të fundit

“Paketa e Maleve” / Çfarë parashikon qeveria përmes projektligjit të ri

''Paketa e Maleve” është projektligji më i fundit i miratuar në mbledhjen e qeverisë që synon të mundësojë investime...

Zjarret shkatërrimtare në Los Angeles, Eva Longoria dhuron 1 milion dollarë

Aktorja Eva Longoria ka vendosur të rrisë ndihmën e saj për ata që janë prekur nga zjarret masive në Los Angeles, duke çuar donacionin...

Bonusi i pensionistëve do shpërndahet në shkurt, sa do jetë dhe kategoritë që përfitojnë

Qeveria shqiptare ka miratuar shpërblime për pensionistët. Për të dhënë detaje se sa është ky shpërblim dhe kur do të nisë shpërndarja ka folur...

PS-PD me “sytë” te diaspora, sa emigrantë janë regjistruar në KQZ

Prej hapjes së procesit për regjistrim ditën e shtunë, vihet re një interesim i madh i emigrantëve për të votuar në zgjedhjet e 11...

Rrëfimi i Gjestit në BBVK, flet ish-menaxheri i tij: Ja si qëndron e vërteta

Ish-menaxheri i këngëtarit të njohur Gjesti, Samed Potera, i ftuar në studion e ‘Kosova Today’ në ekranin e Klan Kosova, ka konfirmuar se ka...

Lajme të tjera

Web TV