Disa avionë rusë kanë tentuar të hyjnë në hapësirën ajrore të Mbretërisë së Bashkuar.
Avionët e paidentifikuar u gjurmuan, ndërsa më pas ndryshuan drejtim duke shkuar drejt bregdetit veriperëndimor të Skocisë.
Kjo bëri që Mbretëria e Bashkuar të vendosë tre Typhoonët nga programi i saj i Reagimit të Shpejtë.
Avionët e paidentifikuar u zbuluan më vonë se ishin aeroplanë Tupolev Tu-95. Numri i përgjithshëm i avionëve rusë të përfshirë në incident nuk është zbuluar ende, shkruajnë mediat angleze.
“Kjo ishte një përgjigje rutinore për avionët rusë që i afroheshin hapësirës ajrore në Mbretërinë e Bashkuar dhe u koordinua me disa aleatë të tjerë të NATO-S. Ne jemi të gatshëm t’i përgjigjemi çdo avioni të paidentifikuar dhe kërcënimeve të mundshme nga fluturimi ajror në 24/7/365” , tha zëdhënësi i RAF (Royal Air Force).
Rusia shpesh përdor aeroplanët e saj të luftës për të frikësuar vendet e tjera.
