Ndërkohë që koronavirusi vijon të përhapet në të gjithë botën, janë edhe me mijëra raste të personave që janë shëruar tashmë prej tij. Ekspertë të ndryshëm bëjnë me dije se nevojiten nga 2 deri në 6 javë për t’u shëruar nga koronavirusi.
Duhet theksuar se ky virus nuk është vdekjeprurës për fëmijët e moshës 0-9 vjeç dhe pothuajse po kaq pak i rrezikshëm edhe për të rinjtë deri në moshën 30 vjeç.
Mike Ryan, drejtor ekzekutiv i Programit të Emergjencave të Shëndetit në Organizatën e Shëndetësisë, ka theksuar se njerëzve u duhen 6 javë për t’u shëruar, por ata që paraqesin simptoma më të rënda duhet të kurohen për disa muaj.
Një qytetar konsiderohet i shëruar në momentin kur rezulton i pastër në dy teste të kryera në dy ditë radhazi.
