Kryeministri Edi Rama, në mbledhjen me qeverinë lajmëroi se një nga masat për parandalimin e përhapjes së Covid-19, është dhe mbyllja e institucioneve arsimore për dy javë deri në një njoftim tjetër.
Por fëmijët dhe studentët sot janë të gjithë në shkolla dhe universitete.
Ministria e Arsimit nuk ka dhënë një njoftim zyrtar për kur fillon mbyllja e shkollës.
Pyetjeve publike të gazetarëve të dërguara ministrisë së Arsimit, kjo e fundit ka zgjedhur të mos i përgjigjet.
“A do ketë një saktësim kur pezullohet mësimi, sa dite kur nis kjo?
Kur nis pezullimi? Duhet të nis që sot?
Fëmijët do kthehen që sot në shtëpi?”, janë disa nga pyetjet e gazetarëve.
Deri tani Ministria nuk ka dhënë asnjë përgjigje.
Pas deklaratës së Ramës në mbledhjen e qeverisë mbetet akoma e pasqaruar se kur do të fillojë mbyllja e shkollave.
