Shënimi i 4,291 viktimave dhe regjistrimi i 119,476 të prekurve nga koronavirusi ka bërë që në shumë vende të merren masa ekstreme. Vende të Amerikës së Jugut nuk kursejnë as yjet e futbollit evropian kur bëhet fjalë për sigurinë nga kjo çështje.
Alexis Sanchez dhe Arturo Vidal do të futen në karantinë menjëherë sapo të zbarkojnë në Kili në kuadër të ndeshjeve eliminatore që Kombëtarja e tyre do të zhvillojë për kualifikueset e Botërorit, më 26 mars do të luajnë kundër Uruguait.
Ky lajm është bërë publik nga Ministri i Shëndetësisë, Santa Jaime Manilich, i cili ka theksuar se nuk do të bëhet asnjë përjashtim në lidhje me masat ndaj virusit vdekjeprurës.
“Nuk bëjmë asnjë përjashtim në bazë të profesioneve, askush nuk është imun ndaj virusit. Nuk do të ti lëmë të lirë lojtarët gjatë periudhës së grumbullimit, do të izolohen individualisht ose kolektivisht në ambientit e përfaqësueses”, -u shpreh ndër të tjera ai.
Emër tjetër i botës së futbollit që luan për këtë përfaqësuese që mund të futet në karantinë është edhe mesfushori i Bolonjës, Gary Medel./Fjala.al/
