Kryeministri Edi Rama ka komentuar anulimin e faljes së namazit dhe mbylljes së xhamive nga ana e Komunitetit Shqiptar Mysliman me kushtet e emergjencës së koronavirusit.
Duke iu referuar një thënie të profetit Muhamet se “kur bie epidemia as mos shko aty ku ka rënë as mos lëviz nëse bie aty ku je”, kryeministri Rama ka shprehur respekt ndaj vendimit të KMSH-së.
“Respekt, respekt, respekt për komunitetin mysliman që vendosi anulimin e faljes së namazit dhe të çdo tubimi nëpër xhami. Ky është jo vetëm vendimi i duhur në kohën e duhur, por edhe mesazhi më kuptimplotë që komuniteti mysliman mund t’i jepte mbarë popullit shqiptar”, shkruan Rama në Facebook
