Trajneri i Liverpoolit, Jurgen Klopp u ka shkruar një letër tifozëve të skuadrës së tij pas situatës së vështirë të krijuar nga përhapja e koronavirusit.
Gjermani thekson në letër se nuk beson që mendimi i një trajneri është i rëndësishëm në këto momente, por e kupton që tifozët dëshirojnë të kenë vëmendjen e ekipit. Ndërsa shton se në këto ditë futbolli dhe ndeshjet nuk kanë rëndësi fare para jetës së njerëzve.
Letra e plotë e Jurgen Klopp: Nuk mendoj se ky është momenti kur mendimet e një trajneri futbolli duhet të jenë të rëndësishme, por e kuptoj që tifozët tanë dëshirojnë të marrin vesh nga ekipi prandaj do t’ua mundësoj këtë.
Pikësëpari, të gjithë duhet të bëjmë gjithçka që mundemi që të mbrojmë njëri-tjetrin, e kam fjalën në shoqërinë njerëzore. Kjo duhet të mbizotërojë gjithmonë në jetë, por në këto momente vlen më shumë.
E kam thënë dhe më parë që futbolli gjithmonë duket më i rëndësishmi i gjërave të pa rëndësishme. Ndërsa sot, futbolli dhe ndeshjet nuk kanë rëndësi fare. Sigurisht që nuk dëshirojmë të luajmë në një stadium bosh dhe nuk dëshirojmë pezullimin e ndeshjeve apo garave, por nëse kjo ndihmon qoftë dhe një individ të vetëm atëherë ne pranojmë pa e vënë në diskutim.
Nëse bëhet fjalë për të zgjedhur midis futbollit dhe mirëqenies së një shoqërie më të madhe, patjetër që nuk ka kontestime.
Vendimi dhe njoftimi i sotëm po zbatohen për sigurinë e njerëzve dhe pikërisht për këtë ne e mbështesim tërësisht. Kemi parë pjesëtarë të ekipeve që ndeshemi të preken nga sëmundja. Virusi ka treguar se të qenit pjesë e futbollit nuk të bën imun. Mendimet dhe lutjet tona shkojnë për skuadrat dhe futbollistët rivalë që janë prekur ose mund të preken në të ardhmen.
Jürgen Klopp has today issued the following message to supporters.https://t.co/nBeTrwILJs
— Liverpool FC (@LFC) March 13, 2020
