Shkencëtarët kanë zbuluar se personat që shërohen nga koronavirusi mund të lihen me funksionin ’20 deri 30% ‘më pak të mushkërive.
“Njerëzit që shërohen nga koronavirusi mund të ngelin me aftësi të dobta të mushëkrive, të cilat do funksionojnë rreth 20-30 % më pak se normalisht dhe mund të kenë vështirësi me frymëmarrjen kur ecin shpejt apo vrapojnë”, zbulojnë mjekët e Hong Kongut.
Autoriteti Spitalor Hong Kong bëri këtë zbulim pasi studioi valën e parë të pacientëve që ishin larguar nga spitali dhe ishin shëruar plotësisht nga COVID-19.
Nga 12 persona në grup, dy deri në tre patën ndryshime në funksionimin e mushkërive.
“Ata kanë pengesë të frymëmarrjes nëse ecin pak më shpejt,” tha Dr Owen Tsang Tak-yin, drejtori mjekësor i Qendrës së Sëmundjeve Infektive të autoriteteve, në një konferencë shtypi të enjten, sipas South Morning Post.
“Disa pacientë mund të kenë një rënie prej 20 deri 30% në funksionimin e mushkërive pas shërimit të plotë”, tha ai.
Që në mëngjesin e së Premtes, 69.607 njerëz janë shëruar nga koronavirusi nga 128,392 raste të konfirmuara, sipas të dhënave nga Universiteti Johns Hopkins. Më shumë se 4,700 njerëz kanë vdekur nga sëmundja.
Sëmundja duket se prek të moshuarit ose të sëmurët më keq se çdo demografi tjetër, siç ka treguar shpërthimi në Itali.
“Midis atyre që janë të infektuar, shumica do të shërohen,” tha të hënën drejtori i përgjithshëm i Organizatës Botërore të Shëndetit Tedros Adhanom Ghebreyesus.
Sipas OBSH-së,simptomat më të zakonshme të raportuara përfshijnë ethe, kollë të thatë dhe gulçim dhe rreth 80% e pacientëve do të përjetojnë një sëmundje të butë.
