Kryetarja e Lëvizjes Socialiste për Integrim, Monika Kryemadhi duket se Ditën e Verës është duke e festuar në shtëpi, duke evituar kështu kontaktin me njerëzit e tjerë për shkak të koronavirusit.
Kryemadhi ka postuar një foto në faqen e saj në “Facebook” ku shfaqet duke hekurosur rrobat në shtëpi. Bashkë me këtë foto kryetarja e LSI-së ka përcjellë dhe një mesazh për të gjithë qytetarët, ku kujton se për shkak të situatës të qëndrojmë në shtëpi e të kujdesemi për familjen.
Postimi i Monika Kryemadhit:
Ditën e verës e festojmë ndryshe këtë vit. Një përshëndetje për të gjitha gratë, nënat, gjyshet, që i janë dedikuar me orare të zgjatura gjatë këtyre ditëve të qëndrimit në shtëpi, higjienës dhe mirëqenies së përgjithshme të familjes.
Gjendja e krijuar prej ndryshimit të rrjedhës normale të jetës ka krijuar ndjenja pasigurie, por ndërsa marrim masat e duhura dhe lutemi për më të mirën, le të ndalojmë për të vlerësuar ngrohtësinë familjare dhe mundësinë për të kaluar sa më shumë kohë pranë.
Të kujdesemi për familjen, të kujdesemi për njëri-tjetrin dhe bashkë do t'ja dalim. ?/Fjala.al/
