Në disa prej bankomateve të bankave kryesore në Tiranë nuk ka para. Qytetarët po denoncojnë raste të shumta kur në bankomate është vënë njoftimi: “Na falni, përkohësisht nuk mund të japim para”.
Klienët janë drejtuar për në bankomate për të tërhequr lekët, por aty po përballen me një situatë të pazakontë. Bankat nuk kanë marrë asnjë masë për të patur funksionale bankomatet dhe për t’ju shërbyer qytetarëve.
Kjo situatë po shqetëson qytetarët, të cilët janë në nevojë për të tërhequr paratë e tyre, por nuk mund të kryejnë asnjë veprim.
Pak ditë më parë, drejtuesit e institucioneve bankare në vend dhanë garanci se sistemi është i përgatitur dhe i gatshëm për të përballuar situatën e krijuar me koronaviursin, por këto veprime nuk janë aspak shenja të mira./Fjala.al
