Ditën e nesërme ( e martë), UEFA dhe të gjitha federatat e ligat kryesore të futbollit në Europë do të mblidhjen për të diiskutuar vazhdimësinë apo jo të kampionateve kryesore të këtij sporti në kontinent.
Para pak ditësh qeveria e futbollit në Europë pezulloi për një javë Champions dhe Europa League, ndërsa nuk dihet ende e ardhmja e tyre dhe e Euro 2020-ës. Ndërsa ligat më të mëdha të futbollit vendosën që të pezullojnë kamiponatet e tyre, pasi koronavirusi ka prekur numër të konsiderueshëm të aktorëve të këtij sporti dhe ecuaria e ndeshjeve ishte e paundur, teksa shumë skuadra duhej të karantnoheshin.
Çështja kryesore që pritet të diskutohet nesër është ndërprerja e Europianit të kësaj vere, për të urdhëruar shtyrjen e tij për verën e vitit 2021, pasi mundësia për ta zhvilluar në nëntor të këtij viti po ashtu nuk duket si një opsion i mirë.
UEFA flitet se do bjerë dakort për shtyrjen e Europianit, në akord edhe me FIFA-n sigurisht, por me një kusht: Champions dhe Europa League nuk duhet të preken. UEFA dëshiron që këto dy gara të zhvillohen të plota, duke anuluar kategorikisht idenë që 1/8-at e në vazhdim të luhen me finale teke, por të ruhen formati i takimeve vajtje-ardhje (edhe këtu mbi UEFA-n ndikojnë kontratat për të drejtat televizive dhe sponsorët).
Prandaj, nëse palët do të bien sot dakord, UEFA do të kënaqë federatat, për mbylljen e sezonit normal, por me kushtin që klubet të pranojnë mbylljen normale të Champions dhe Europa League./Fjala.al/
