Koronavirusi është duke gjunjëzuar botën dhe për këtë arsye po nevojitet gjithnjë e më shumë kura ndaj covid-19.
Kështu, shkencëtarët do të fillojnë të testojnë vaksinat ndaj koronavirusit. Sot ata do të dorëzojnë edhe dozën e parë për provën klinike.
Sipas mediave amerikane, testimi do të kryhet në 45 vullnetarë të rinj dhe të shëndetshëm.
“Vullnetari i parë do ta marrë vaksinën eksperimentale ditën e sotme”, tha një zyrtar amerikan, transmeton Fox News.
Nga ana tjetër, Instituti Kombëtar i Shëndetësisë po financon provën klinike të vaksinave. Sipas zyrtarëve amerikanë të shëndetit publik, doi të duhet një vit deri në 18 muaj për të testuar plotësisht çdo vaksinë të mundshme.
Lidhur me pretendimet se vullnetarët mund të infektohet gjatë testimit, sipas zyrtarëve amerikanë, kjo nuk mund të ndodhë pasi vaksinat nuk e përmbajnë vetë virusin.
Me dhjetëra grupe shkencëtarësh po garojnë në të gjithë për të krijuar një vaksinë ndaj koronavirusit, pasi rastet e vdekje dhe të të prekurve po rriten me ritme shumë të shpejta.
