Shkencëtarët në Shtetet e Bashkuara kanë nisur përdorimin eksperimental të vaksinës kundër koronavirusit.
Vaksina e krijuar në kohë rekord pas shpërthimit të parë në Kinë dhe që tashmë është kthyer në pandemi botërore, është duke u përdorur fillimisht në vullnetarë.
Një nga vullnetarët është dhe nëna e dy adoleshentëve, Jennifer Haller.
43-vjecarja nga Seattle tha: “Ne të gjithë ndihemi të pafuqishëm. Kjo është një mundësi e madhe për mua për të bërë dicka në këtë drejtim.”
Vaksina do të testohet në 45 vullnetarë. Dhjetëra ekipe të hulumtuesve në mbarë botën janë duke bërë të pamundurën që të prodhojnë vaksinën kundër COVID-19.
