Ish-trajneri i Kombëtares Shqiptare të Futbollit, Gianni de Biasi, ka folur së fundmi në lidhje portierin e përfaqësueses Thomas Strakoshën, të cilin e ka cilësuar si pikë kyçe të ekipit të Lazios.
Në një intervistë të dhënë së fundmi për radion italiane “Laziali on Air” Italiani foli me superlativa për gardianin kuqezi, duke e krahasuar me diamantet.
“Është e vështirë të thuhet se çfarë kërcimi cilësor mund të na bëj Shqipëria. Në këtë moment, futbolli bën pjesë në shoqëritë e atyre vendeve, Ballkani po vazhdon të prodhojë cilësi të shkëlqyeshme. Shqipëria? Po rritet dhe është e lehtë të gjesh diamante aty në mesin e talenteve të rinjë.
Sa i përket Lacios, trajneri Inzagi po tregon se mund të përfitojë më shumë sesa lojtarët që ka. Strakosha është lojtar me karakter të shkëlqyeshëm dhe disiplinë të madhe, që është ndihmuar shumë edhe nga babai i tij, që ka qenë portieri i Shqipërisë. Por ka ende hapësirë për përmirësim, të përmirësohet në aspekte jashtë portës, por padyshim tani që tani teksa jemi duke folur është tek 5 portierët më të mirë në Seria A”,-u shpreh De Biasi./Fjala.al/
