Zvicra ka mobilizuar deri në 8,000 anëtarë të ushtrisë dhe ka ndaluar të gjitha ngjarjet publike dhe private për shkak të përhapjes së koronavirusit.
Shteti zviceran ka shpallur edhe gjendjen e jashtëzakonshme. Sipas Reuters, ky është mobilizimi ushtarak, që Zvicra ka bërë ndonjëherë që nga Lufta e Dytë Botërore, duke përfshirë edhe një batalion spitalor.
Ky vendim ka ardhur pasi qeveria mendoi se masat e miratuara javën e kaluar ishin të pamjaftueshme për të kontrolluar përhapjen e epidemisë.
Më shumë se 2,330 njerëz kanë dalë pozitivë në testet për koronavirus, ndërsa deri më tani në Zvicër kanë ndërruar jetë 14 njerëz.
Zvicra ka zgjeruar gjithashtu edhe kontrollet kufitare me Gjermaninë, Francën dhe Austrinë.
