Ish-lojtari i Kombëtares së Italisë, Antonio Kasano u ka kërkuar të gjithëve të qëndrojnë në shtëpi me fëmijët.
Këtë deklaratë 37-vjeçari e ka dhënë pak a shumë në mënyrë humoristike për të përforcuar thirrjet e autoriteteve, që të mos dilet nga shtëpia, kjo pasi situata në Itali është shumë alarmante.
Ish-sulmuesi ka folur dhe për formën e mirë që po kalon lojtari i Atalantës, Josip Iliçiç, për të cilin u shpreh se nëse do të luante për skuadrën e Juventusit atëherë e gjithë bota do të fliste për të.
“Nëse vazhdoni të dilni atëherë kjo situatë nuk do të mbarojë deri në vitin 2040. Para dy javësh mendoja se ky virus ishte një gjë e papërfillshme, por duhet pasur kujdes.
Nëse Iliçiç do ta kishte takuar Gasperinin para 10 vitesh, sot do të ishte ndër 5 më të mirët në botë. Dhe nëse do të ishte lojtar i Juventusit, në vend të Dibalas, e gjithë bota do të fliste për të.”-tha ish-lojtari për mediat italiane./Fjala.al/
