Ursula von der Leyen, Presidentja e Komisionit Europian ka deklaruar se vaksina kundër Covid-19 do të jetë gati këtë vjeshtë.
Në një video-mesazh, Leyen dha një afat shum më të afërt se sa kanë parashikuar autoritetet e shëndetit publik, të cilët janë shprehur se mund të duhet një vit ose 18 muaj që vaksina të jetë e disponueshme për publikun e gjerë.
“Sipas bisedimeve me “curevac”, një kompani gjermane që po punon për zbulimin e vaksinës së COVID-19, të cilës BE-ja i ka ofruar kompanisë 80 milion euro mbështetje financiare. Shpresoj se me këtë mbështetje, ne mund të kemi një vaksinë në treg, ndoshta para vjeshtës,”– është shprehur ajo, shkruan Novinite.com.
