Drejtori Sportiv i skuadrës së Paris Saint-Germain, Leonardo ka nisur kontaktet me trajnerin italian, Masimiliano Alegri për ta sjellë në Paris sezonin e ardhshëm.
Ky lajm është bërë publik nga portali “Foot Mercato”, ku shtohet se tekniku aktual i parisienëve Tomas Tuhel është duke u larguar çdo ditë e më shumë nga PSG-ja.
Tuhel ka bërë të mundur që t’i japë në dorë Ligën 1 parisienëve dhe e kualifikoi skuadrën e tij në çerekfinale të Champions League, megjithatë problemet e vazhdueshme me yjet e kësaj skuadre duket se kanë ndikuar mjaft në qëndrimin etij.
Leonardo i mori frerët e PSG-së përsëri verën e kaluar dhe duket tani ka ardhur koha të ketë në ekip një trajner të zgjedhur nga vetë ai./Fjala.al/
