Bajron Nikolli, një i ri shqiptar i cili jeton në Bergamo, ka shpërndarë një video mesazh për të gjithë shqiptarët duke treguar situatën që është krijuar në Itali. I prekur ai këshillon të gjithë që të mos e nënvlerësojnë sitatën, pasi ky është gabimi i parë që është bërë në Itali.
I riu thotë edhe se ai është në Bergamo aty ku janë spitalet ndoshta më të mirë në botë, por nuk ka më vende në këto spitale. Shumë njerëz shkojnë për tu kuruar, por për shkak se nuk ka vend ata kthehen përsëri nëpër shtëpi.
Ai u bënë thirrje të gjithëve që të qëndrojnë nëpër shtëpi, pasi virusi është shumë serioz, madje ai shprehet shumë të rinjë janë nëpër spitale.
Në një video publikuar në profilin e tij në Facebook, Bajron Nikolli thotë:
“Dua të jem dëshmitar i një gjendje të jashtëzakonshme që po ndodh, këtu. Diçka që po e shikoj me sytë e mi, po me prek nga afër. Njerëzit po vdesin, po vdesin shumë një numër shumë i madh. Numrat ndoshta që shikoni nga televizori nuk janë ata janë akoma më shumë. Sepse njezërit vdesin dhe në shtëpi dhe për protokoll nuk u bëhet një test për koronavirus. Shpresoj që ju mos ta shikoni këtë gjendje. Ju lutem shumë mos u bëni gabimin që u bë këtu. E të gjithë thoshim është kot e nënvlerësuam. Ky virus vret. Harrojeni ca thonë të tjerët, jo kap të vjetrit. Ky virus vret.”
