Një baba, 39 vjeç, i gjendur në prag të vdekjes nga koronavirusi iu lut britanikëve që “të qëndrojnë në shtëpi” dhe “të mos bëhen idiotë”.
Matt Dockray, 39-vjeç, nuk kishte asnjë sëmundje kronike ndërsa në një moment u përballë me insuficencë respiratore, ndërsa dukej se mushkëritë e tija nuk po funksiononin mirë ai u vendos në terapi intensive. Mjekët thanë që mushkëritë e tij pa pritur kishin probleme dhe ai u sëmur në mënyrë kritike.
“Kjo më jep mundësinë të paralajmëroj secilin prej jush që mendon se janë të pathyeshëm, ose që po shkelin çdo këshillë për të dalë pa asnjë arsye”, tha babai, me origjinë nga Wakefield, West Yorkshire.
“Thuajse çdo orë, unë po shikoj dhomat e shënuara me një rreth të kuq, që janë identifikuar ato kritike me Covid-19 – ndërsa familja e tyre u thonë lamtumirë përmes xhamit.
“Për të gjithë ata që mendojnë se ata thjesht mund të kenë një kollë dhe simptoma të buta, ose që mendojnë se e kanë pasur atë, dhe që do të jenë mirë – ju lutemi mos u bëni idiotë.
“Unë nuk ja dëshiroj këtë as armikut. Unë madje regjistrova një video për gruan dhe fëmijën tim për t’iu thënë lamtumirën sepse në një moment gati u dorëzova për shkak të dhimbjes dhe frikës.
“Unë kam qenë i sëmurë për tre javë, nga një kollë e vogël që në ditën kur pashë futboll në Wembley më 1 mars. Kisha të dridhura, ethe dhe dhimbje koke. Ditë për ditë, ndjehesha më keq, por vazhdoja – duke injoruar çdo këshillë.
Më pas unë nuk u largova nga shtrati për pesë ditët e ardhshme, dhe isha duke u përpjekur të qëndroja zgjuar për të marr frymë siç duhet. Më në fund, gruaja ime nuk mund të më dëgjonte më dhe thirri një ambulancë. … mjekët më thanë se kisha Covid-19 ” tha Matt Dockray./ DailyMail
