Numri i të prekurve nga koronavirusi në vendin tonë rritet çdo ditë e më tepër, ku sot raportohet të jenë shtuar 12 raste të tjera duke e çuar numrin total në 186 persona.
Megjithatë Ministria e Shëndetësisë ka bërë të ditur një lajm të mirë, pasi ka njotuar se 31 persona në total janë shëruar na virusi i rrezikshëm.
MSH bën me dije se në 24 orët e fundit janë testuar 102 persona të dyshuar, prej të cilëve janë konfirmuar 12 raste të reja me COVID-19, më pak se dje.
Harta e të prekurve nga COVID-19 është shtrirë tashmë edhe në Pukë dhe zgjerohet në Tiranë, Korçë, Fier, Shkodër dhe Durrës, përveç rasteve të zbuluar për të cilat po kryhet hetimi epidemiologjik dhe ku po punohet me shumë intesitet nga epidemiologët për gjurmimin e kontakteve të rasteve pozitive dhe ndërprerjen e zinxhirit të transmetimit të infeksionit.
Ndërsa deri në këto momete 8 persona kanë humbur jetët nga koronavirusi dhe raportohet se 5 të tjerë janë në gjendje të rëndë./Fjala.al/
