Mbretëria e Bashkuar ka shënuar 563 vdekje nga koronavirusi në 24 orët e fundit.
Ndërkohë shifra e përgjithshme e viktimave të koronavirusit, Covid-19 në Britani ka shkuar në 2352 persona. Ndërsa gati 30,000 njerëz janë infektuar. Britania është vendi i pestë më i prekur në Evropë nga koronavirusi i ri.
Një ditë më parë, u shënuan 381 viktima dhe mbi 3000 raste të reja të konfirmuara, por rekordi u ndryshua këtë të mërkurën me 4324 raste të infektimeve dhe 563 viktima.
Vendet më të prekura në Evropë vazhdojnë të mbeten Italia, Spanja, Franca dhe Gjermania. Këto dhe vende të tjera kanë marrë masa të rrepta për ta luftuar përhapjen e virusit, përfshirë mbylljen e kufijve, izolimin e qytetarëve dhe ndërpreprjen e fluturimeve ndërkombëtare./Daily Mail
