Lucjan Elezi, shqiptari 28-vjeçar ka vdekur në shtëpinë e tij në Itali, pak ditë pasi ishte shëruar nga koronavirusi.
I riu sa kishte dalë nga spitali dhe ndodhej në qytetin Val di Fessa, ku dhe kishte jetuar për vite me rradhë..
28-vjeçari, me banim në komunën e San Giovanni di Fassa-Sèn Jan, ishte larguar nga spitali në Rovereto rreth dhjetë ditë më parë, pasi kishte pasur shenja përmirësimi nga koronavirusi.
Gjendja e tij kur ishte shtruar në spital kishte qenë e rënduar, por me kalimin e ditëve përmirësimet kishin qenë të dukshme, dhe testi i parë e kishte nxjerrë atë negativ me Covid19, ndërsa priste të bënte testin e dytë konfirmues.
Por për fat të keq problemet me mushkëritë dhe frymëmarrjen, që kanë vazhduar edhe pas daljes nga spitali, kanë bërë që Elezi të humbasë jetën, shkruan fax web.
Ai kishte punuar në sektorin e ndërtimtarisë, së bashku me disa të afërm, dhe më pas kishte gjetur punë në qendrën e Refugjatëve Fredarola në Canazei, ku të gjithë e kujtojnë atë si një punëtor të zellshëm.
I riu shqiptar i ishte bashkuar vëllait dhe xhaxhait të tij në Itali, ku më pas kishte mbërritur edhe gruaja me të cilën jetonte.
