Një rekord prej 6.6 milionë amerikanësh u regjistruan javën e kaluar për të përfituar pagën e papunësisë. Sipas autoriteteve, kjo shifër ka tejkaluar rekordin e vendosur dy javë më parë kur u regjistruan 3.3 milionë.
Kujtojmë se rekordi i mëparshëm ka qenë në vitin 1982 kur ishn regjistruar 695 mijë amerikanë.
Shifra alarmante e papunësisë për ekonominë amerikane vjen në një kohë kur lokalet, restorantet, kinematë, hotelet dhe palestrat janë mbyllur për shkak të koronavirusit.
216,722 është numri i personave të infektuar nga COVID-19 në SHBA, ndërsa personat që kanë humbur jetë janë 5,137.
