Një qytetar ka thyer rregullin e karantinimit duke dalë me motor në rrugë, por ai është ndalur nga policia. Dy efektivë të policisë i kanë kërkuar llogari se përse ka thyer rregullin e karantinimit të vendosur nga qeveria.
Në debat e sipër policët e kanë zbritur qytetarin nga motori dhe e kanë shtrirë përtokë duke ushtruar dhunë mbi të.
Ata e arrestuan motoçiklistin duke e dërguar më pas në rajonin e policisë. Por, e gjithë skena është filmuar dhe kjo u ka hapur probleme dy oficerëve të policisë të cilët do të duhet të përballen me një hetim nga kolegët e tyre për arrestimin e dhunshëm që kanë kryer ndaj qytetarit.
E gjithë ngjarja ndodhi në zonën e Castellar del Valles të Spanjës. Pamjet janë shpërndarë gjerësisht në mediat sociale dhe kjo ka sjellë edhe zemërimin e vetë spanjollëve.
Deri më tani në Spanjë kanë vdekur nga koronavirusi rreth 10,003, ku vetëm 24 orët e fundit kanë ndërruar jetë 950 persona ndërsa numri total i të infektuarve ka shkuar në 110.238. Përgatiti nga LiveLeak për Fjala.al B. Quku/FJALA.AL/
