Janë konfirmuar 6 raste të reja pozitive me koronavirus në qytetin e Shkodrës, ku mes tyre raportohet të jetë edhe një infermier.
Qyteti i Tiranës dhe ai i Shkodrës janë dy vendet më të prekura nga Covid-19 në vendin tonë dhe duket se shifrat janë ende në rritje të lartë.
Nga 26 tamponë të bërë në Shkodër, 6 prej tyre kanë rezultuar pozitivë, duke e çuar totalin e numrit të të infektuarve në këtë qark në 48 persona, 44 prej të cilëve janë po në këtë bashki.
6 rastet e reja me Covid-19 mësohet se janë dy familjarët e 80-vjeçares dhe infermieri që i shërbente kësaj të fundit prej muajsh, një anëtar i familjes nga Dobraci dhe dy anëtarë të familjes nga Kirasi./Fjala.al/
