Pamje nga momenti emocionues kur ekipi mjekësor duartrokitën një fëmijë katër muajsh, i cili ishte në ventilator pasi ishte infektuar me COVID-19, janë publikuar në rrjetet sociale.
Vogëlushi, emri i të cilit nuk është zbuluar, thuhet se ishte i infektuar me koronavirus dhe u shtrua në Spitalin Rajonal të Malaga-s më 16 mars.
Foshnja, e cila kërkoi ndihmë mjekësore, tani është larguar nga kujdesi intensiv. Gjatë këtij momenti, ekipi mjekësor përshëndeti largimin e vogëlushit me duartrokitje.
Në video shihen një turmë mjekësh, infermierësh dhe punonjës të kujdesit shëndetësor duke duartrokitur dhe duke brohoritur fëmijën të vendosur në një panel qelqi, ndërsa i hoqën ventilatorin.
Jose Camacho, kreu i repartit të kujdesit intensiv në spitalin spanjoll, tha që foshnja ishte përgjigjur mirë ndaj trajtimit dhe nuk kishte më nevojë për ventilator.
Burime zyrtare thanë që foshnja është në gjendje stabile dhe së shpejti do të dërgohet në një repart normal./Daily Mail
