Një grua ka marrë një avion të gjithin për vete për të parë nënën e saj që ndodhej pranë vdekjes.
Sheryl Pardo ishte pasagjere e vetme e aeroplanit, për shkak të anulimit të fluturimeve si pasojë e koronavirusit.
Pardo e kaloi gjithë kohën e fluturimit duke u treguar stafit të avionit për personin e saj të dashur, për nënën e saj.
Pardo mori avionin nga Uashington DC, për në Boston. Ajo ishte në ankth kur arriti në aeroport, duke menduar se do të ekspozohej ndaj koronavirusit, por më vonë kuptoi se sa pak njerëz kishte në aeroport.
Ekuipazhi i fluturimit dhe Pardo u argëtuan me njëri-tjetrin edhe pse u prekën nga historia e nënës së Pardo, shkruan CNN.
Dy muajt e fundit kishin qenë të vështira, vajtje-ardhje në dhomën e urgjencës tek nëna e saj. Kjo e fundit gjithë jetën ia kishte kushtuar ndihmesës ndaj të tjerëve, pasi kishte punuar për vite si kamariere.
Qendra e rehabilitimit ku qëndronte nëna e saj u mbyll për shkak të koronavirusit, kështu që Pardo dhe vëllai i saj nuk mundën ta vizitonin për një kohë të gjatë. Një ditë pasi Pardo mbërriti në Boston, nëna e saj ndërroi jetë në moshën 83-vjeçare.
