Këngëtarja, Rezarta Shkurta ka treguar në Instagramin e saj disa nga momentet e njohjes me Ermal Hoxhën, nipin e diktatorit Enver Hoxha.
“Desh u përplasëm me makinë. Po ai si nga Gjirokastra që është, që mos të paguante dëmin që bëri, më mori për nuse”, – është përgjigjur Rezarta për momentin e parë që është takuar me Ermalin.
Ndër të tjera Rezarta ka treguar se Ermali është djali i ëndrrave të saj, dhe kanë ulje ngritje si çdo çift, dhe në shumicën e zënkave shkak është këngëtarja.
“Di të them që Ermali është djali i ëndrrave…Është një partner shumë i kujdesshëm me mua, dhe një baba shumë i dashur, i përkushtuar dhe me shumë durim për Herën. Ne si çdo çift kemi dhe uljet e ngritjet tona. Por, kam përshtypjen se në rastet e këqija, e kam fajin unë gjithmonë, që ndonjëherë jam kështu…” – shkruan Rezarta Shkurta.
