Ka shkuar në 11 numri i të infektuarve në qytetin e Elbasanit. Rasti i fundit i konifrmuar pozitiv me Covid-19, është një pronar i një restoranti të njohur në lagjen “5 maji” në këtë qytet.
Pronari i këtij restoranti një 49-vjecar ka pasur më herët takime me dy të infektuar të tjerë, ndërkohë rezulton se restoranti ka qenë ambient i frekuentuar nga shumica e të prekurve nga koronavirusi në këtë qytet. Dyshohet se restoranti ka qenë vatra ku është përhapur koronavirusi në qytetin e Elbasanit, pasi 90% e personave të rezultuar pozitiv në këtë qytet kanë frekuentuar këtë restorant.
49-vjeçari, pronari i restorantit është dërguar me urgjencë të hënën në spitalin “Shefqet Ndroqi” dhe është personi i tretë i konfirmuar pozitiv me Covid në 48 orët e fundit nga Elbasani. Aktualisht gjatë fillimjavës në qytetin e Elbasanit u janë marrë tamponët 15 personave të tjerë për të cilët pritet përgjigja përfundimtare. Mes tyre janë edhe një infermiere dhe një mjek i Qendrës Spitalore si dhe Prokurorë e Gjykatës të Elbasanit.
