Albert Chambers, i cili në muajin korrik do të mbushë plot 100 vjeç ka arritur të fitojë betejën ndaj koronavirusit.
Chambers është veteran i Luftës së Dytë Botërore, nga e cila vendi i tij, Anglia arriti të dalë triumfuese bashkë me aleatët.
Këtë radhë veterani ka pasur një tjetër betejë, edhe më të vështirë, atë me koronavirusin.
Ai doli nga spitali Tickhill në Doncaster të Anglisë shoqëruar me duartrokitjet e mjekëve dhe infermierëve që i shërbyen gjatë kohës që mjekohej nga koroanvirusi.
Chambers u shtrua në spital tre javë më parë pasi kishte ndrydhur kyçin e dorës. Por, gjatë kohës që ai ndodhej në spital, filloi të shfaqë simptoma të Covid-19. Pas analizave ai rezultoi pozitiv.
Me gjithë ankthin që përshkoi familjen e tij, veterani 99-vjeçar arriti të shërohej. Ky ishte një inkurajim i madh edhe për vetë spitalin i cili e nderoi atë teksa linte shtratin e tij.
“Faleminderit shumë, e vlerësoj çdo gjë që keni bërë për mua. Nuk mund të shkonte më mirë se kaq”, tha Chambers, i cili “jeton i vetëm, qëkur gruaja e tij iku nga kjo botë këtu e dy dekada më parë”, shpjegon një nga infermierët në videon e cila është bërë virale.
Some lovely news coming from Doncaster this evening.
Albert Chambers, who will be 100 in July, and a WW2 veteran, has fought off Coronavirus thanks to the help of the team at Tickhill Road Hospital, run by @rdash_nhs. Here he is getting a guard of honour from staff ? pic.twitter.com/INkBIuTJ5F
— NHS North East & Yorkshire (@NHSNEY) April 9, 2020
Nipi i tij, 49-vjeçari Stephen Gater është shprehur për CNN se familja e tij ishte e shqetësuar se mund të humbiste Chambersin, kur ky i fundit kishte rezultuar me koronavirus.
Por, nipi i tij thotë se ai besonte te forca e gjyshit të tij, një forcë e fituar gjatë kohës kur shërbente si ushtar në forcat ushtarake të Mbretërisë së Bashkuar, gjatë Luftës së Dytë Botërore.
Gjatë luftës, Chambers u kap nga nazistët kur u plagos pas shpërthimit të një bombe në Afrikën e Veriut. Ai u dërgua në Fallingbostel të Gjermanisë veriperëndimore, ku kaloi tre vjet si i burgosur lufte në një nga kampet famëkeqe ‘Stalag XI B’.
Pas luftës, ai shërbeu në pallatin mbretëror.
Chambers arriti të fitojë jo vetëm mbi nazistët në Luftën e Dytë Botërore por edhe mbi armikun e padukshëm, shumë herë më të rrezikshëm, siç është koronavirusi./Përshtati nga CNN për Fjala.al, Bardhi Quku
