Media shtetërore kineze ‘Xinhua’ ka njoftuar ditën e sotme se Kina ka aprovuar testimin në njerëz të dy vaksinave për të luftuar koronavirusin.
Sipas agjencisë së lajmeve Xinhua, të dy vaksinat janë zhvilluar nga Instituti Wuhan i Produkteve Biologjike nën Grupin Kombëtar Farmaceutik të Kinës (Sinopharm) dhe Sinovac Research and Development Co, Ltd, një kompani me qendër në Pekin.
Në muajin mars Kina i dha dritën jeshile një tjetër prove klinike për zhvillimin e vaksinës nga akademia e Shkencave Mjekësore Ushtarake të mbështetur nga ushtria dhe firma bioteknike e listuar nga HK CanSino Bio, menjëherë pasi prodhuesi i medikamenteve Moderna tha që kishte filluar testimet te njerëzit për vaksinat e tyre me Institutin Kombëtar të Shëndetësisë të SH.B.A-së.
Ndërkohë, ditën e sotme Organizata Botërore e Shëndetit tha se është shumë e nevojshme gjetja e një vaksine të sigurt për të ndaluar përhapjen e mëtejshme të pandemisë së Covid-19.
