Mjeku shqiptar në Nju Jork, Sulejman Çelaj, drejtues i Departamentit të Kardiologjisë në spitalin e San Barnabas, në Bronx ka deklaruar së fundmi se virusi është përhapur masivisht në SHBA, pasi Kina në fillim nuk paraqiti të dhëna të sakta për COVID-19.
“Fillimisht Shtetet e Bashkuara të Amerikës, u gjendën të përgatitur për këtë krizë globale. Unë personalisht fajësoj të dhënat që kanë ardhur nga Kina, të cilat nuk ishin të sakta. Ju kujtohet që presidenti Trump doli para mediave dhe tha se do të kemi 15 pacientë dhe pas 2 javësh shkon numri në 0, duke bazuar të dhëna nga Kina. Nuk kishim informata të sakta, prandaj na gjeti të papërgatitur. Është për të ardhur keq, se një superfuqi siç është Amerika, me një mjekësi kaq të përsosur nuk arriti t’i bënte ballë gjendjen alarmante. Ditët e fundit situata është qetësuar, ka ndryshuar.”, është shprehur mjeku në një intervistë për A2CNN.
Deri tani në gjithë botën rezultojnë të prekur nga koronavirusi mbi 2 milionë njerëz. Ndërsa kanë humbur jetën 126,758 persona.
