Kryeministri në detyrë i Kosovës, Albin Kurti i ka kthyer përgjigjeve të letrave të presidentit Thaçi.
Përmes një letre dërguar kreut të shtetit të Kosovës, Kurti shkruan se nuk heziton dhe nuk refuzon t’i përgjigjet kërkesës së Thaçit për të dërguar emrin e të mandatuarit për formimin e qeverisë.
Sipas Kurtit, ai do ta bëjë këtë por është ende në përgjigje të pyetjes që ai i ka drejtuar në letrën e tij të fundit Presidentit.
Kurti i ka kërkuar Thaçit të sqarojë atë që ai e quan standard të dyfishtë në praktikën kushtetuese lidhur me mocionin e mosbesimit.
“Do të jem në pritje të sqarimit tuaj, me shpresën se do të përdorni standardin e njëjtë që po pritni nga unë. Pas përgjigjes suaj mbase mund ta kem më të qartë arsyen pas këtij insistimi për t’u marrë me çështje dytësore e tretësore, në një kohë kur të gjithë duhet të bashkohemi në luftën kundër armikut të përbashkët- COVID-19”, mbyll letrën kryeministri në detyrë Albin Kurti.
