Mjeku Pëllumb Pipero ka folur sot për situatën e krijuar nga koronavirusi në vend dhe gjithashtu ka treguar se cilat ishin gabimet që u bën nga qytetarët e Shkodrës që sot ka sjellë një numër të lartë të infektuarish në atë qytet.
Në një lidhje me Skype për emisionin Zonë e Lirë, Pipero tha se masat për parandalimin e koronavirusit duhet të vazhdojnë. Më tej ai u shpreh se qeveria do të lehtësojë masat në ditët në vijim dhe do e kalojmë epideminë me më pak dhimbje.
“Unë bësoj se masat duhet të vijojnë, karantina në kuptimin klasin nuk është si ka qenë dikur. Kjo është një karantinë e vëçantë, pasi është shoqëruar me disa masa. Ne kemi kaluar pjesën më të vështirë dhe na ka nxjerr disa mësime. Unë besoj se masat do të lehtësohen nga qeveria dhe do e kalojmë me sa më pak dhimbje këtë epidemi”, u shpreh Pipero.
Sipas mjekut Pipero në qytetarët e Shkodrës kanë bërë disa gabime fatale dhe si pasojë kanë një numër të lartë të infektuarish.
“Ka pasur disa varrime, ka pasur lokale që qëndronin të hapura, njerëzit shkonin në markete sikur nuk kishte ndodhur asgjë. Kjo është një gjë e pafalshme e qytetarëve të shkodrës”, shtoi mjeku./Fjala.al
