Covid-19/ Dalin datat e rifillimit të Champions, Europa League dhe 5 ligave kryesore

113 563 lexime

124,178FansaPëlqeje

Situata e krijuar nga koronavirusi në të gjithë botën bëri që të pezullohen një pjesë e madhe e kampionateve të futbollit përfshirë këtu edhe ato më kryesoret, megjithatë tashmë duket se kemi datat e rikthimit të takimeve që të gjithë janë duke i pritur me padurim.

Champions League, Europa League dhe 5 ligat kryesore të futbollit europian u pezulluan pas konfirmimeve të një numri të konsiderueshëm lojtarësh e aktorësh sportiv me Covid-19.

UEFA do të mbledhë javën e ardhshme 55 federatat anëtare të saj për të diskutuar mbi datat dhe mënyrën se si do të rikthehen në fushë.

Mundësia e parë është që Champions dhe Europa League të zhvillohen brenda muajit gusht, afat kohor që do i sfiliste lojtarët, në raportimet e “Sky Sport” theksohet se prej kohësh UEFA ka vendosur që 31 gushti të jetë afati i fundit për përfundimin e të gjithë kampionateve, në mënyrë që të programohet edhe sezoni i ardhshëm, përndryshe do ishte e pamundur zhvillimi i këtyre dy kampionateve në vitin 2021.

Në bazë të kësaj skeme ndeshjet e kthimit në fazën e 1/8 e Champions League parashikohen të zhvillohen më 7 dhe 8 gusht. Ekipet që do të kualifikohen në fazën çerekfinale do t’i nënshtrohen një turi të vërtetë force, pasi do jenë të detyruar të luajnë çdo 3 ditë, datat e parashikuara janë më 11 dhe 12 gusht dhe ndeshjet e kthimit më 14 dhe 15 gusht. Takimet e gjysmëfinaleve parashikohen të luhen më 18-19 gusht dhe ndeshjet e kthimit më 21-22. Nëse gjërat do të shkojnë  sipas parashikimeve dhe do të ndiqet kjo mënyrë e rikthimit të Champions, atëherë finalja e madhe pritet të luhet më 29 gusht në Stamboll.

Europa League nga ana tjetër pritet të rifillojë në 2-3 gusht dhe finalja planifikohet që të zhvillohe në 27 gusht në Poloni.

Lexo edhe :  Presidenti i FSHF Duka: “Lamtumirë Papa Francesku, humbje e madhe për gjithë botën”

Ndërsa edhe kampionatet kryesore të futbollit në Europë kanë vendosru se kur do të rikthehen në fushë.

Seria A sipas Federatës së Futbollit të Italisë, mund të kthejë skuadrat në stërvitje më 4 maj dhe me 30-31 maj të zhvillohen takimet e para, megjithatë gjithçka do të varet nga gjendja e koronavirusit në këtë vend.

Bundesliga-Kampionati kryesor i futbollit gjerman pritet që të rifillojë takime me 9 maj, ndërsa duhet theksuar se skuadrat kanë zbritur në fushë dhe janë duke zhvilluar stërvitje, por duke respektuar të gjitha masat mbrojtëse ndaj virusit.

Premier League– Kampionati i futbollit anglez ishte nga të paktit që pezulloi me vonesë ndeshjet, megjithatë duket se nga mesi i muajit maj skuadrat do të rikthehen në stërvitje, ndërsa ndeshjet pritet të rinisin në fillim të muajit qershor.

La Liga-Situata nga koronavirusi në Spanjë ashtu si edhe në Itali është ende alarmante. Pavarësisht kësaj Presidenti i La Ligës, Javier Tebas ka bërë me dije se kampionati pritet të rikthehet midisa datave 28 maj dhe 6 qershor, megjithatë në varësi të situatës, 28 qershori logaritet si datë të mundshme për të rinisur topin e parë.

Ligue 1– Franca ende nuk ka një datë se kur mund të rikthehen ndeshjet dhe duket se rifillimi i kampionatit do të sjellë një betejë të  ashpër, për të drejtat e Tv, pasi “Canal Plus” pezulloi pagesat për këtë gjatë periudhës së ndalimit. Megjithatë ende pritet për konfirmimin e një date për nisjen e takimeve./Fjala.al/Katerina Tafa/

Të fundit

Miliardierja më e re në botë që ia kalon dhe Taylot Swift, u bë e pasur nga AI

Lucy Guo, 30 vjeç, ka kaluar këngëtaren dhe kompozitoren Taylor Swift për t'u bërë miliarderja më e re në...

Berisha në Gjirokastër: Vendi është zhytur në mjerim, ka familje që s’hanë dot tre vakte

Sali Berisha mbrëmjen e sotme ishte në qytetin e Gjirokastrës, ku përveç prezantimit të kandidatëve për deputetë të këtij qarku për koalicionin “Aleanca për...

KPK e shkarkoi nga detyra prokurorin e Tiranës Bajram Breçani, KPA e rikthen

Kolegji i Posaçëm i Apelimit ka rikthyer në detyrë prokurorin e Tiranës Bajram Breçani, i cili u shkarkua nga detyra nga KPK. Trupi gjykues i...

Pete Davidson nis procesin e dhimbshëm të heqjes së tatuazheve: Më duhen 10 vite

Pete Davidson, aktori i njohur amerikan, ka zbuluar se ka nisur një proces të gjatë dhe të dhimbshëm për të hequr më shumë se...

Shehaj në Kukës: Kryeministri gënjen haptazi kur thotë se mbështet Altin Dumanin

Nga takimi i fushatës në Kukës, Agron Shehaj akuzoi kryeministrin Edi Rama për hipokrizi të thellë në lidhje me drejtësinë dhe mbështetjen e SPAK-ut,...

Lajme të tjera

Web TV