Një grua e cila është pjesë e grupit të shqiptarëve të riatdhesuar, tregon se është e detyruar të ndajë karantinën me një të panjohur, pasi ajo nuk ka mundur të prenotojë dhomë teke.
Ajo sapo është kthyer nga Frankfurti dhe thotë se ka paguar 350 euro në total, shumë që e quan ‘flokët e kresë’.
Pjesë nga intervista për Report Tv:
Do shkoni në karantinë tani ?
Kjo është e keqja jonë, pse mirë është me na mbyll në karantinë? 7 javë të mbyllur në Gjermani dhe ktu gjobë e kemi pagu me flokët e kresë këtë rrugëtim.
Çfarë dhome keni prenotuar?
Pooo si të thoni ju. Pasha zotin me të rrejt, e ka prenotuar dikush tjetër vetëm me të rrejt.
Për biletën keni paguar 100 euro a jeni të kënaqur?
Jooo 160 euro, 280 më kanë bërë hem bileta hem ajo (dhoma). Dhoma teke nuk bëhej fjalë të prentohej online, por kam pranuar kushtet që më kanë ofruar, jam vendosur me një person që nuk e njoh në dhomë. Nuk e di cfarë do të ndodhë.
Keni paguar 160 euro, më tha një zonjë.
Jo unë kam paguar më tepër, 185 euro biletën dhe dhoma nuk ishte 89 euro por ishte më shumë. Me gjithë paketë ka shkuar 350 euro. Më duket e palogjikshme të karantinohemi me persona, pasi nuk e dimë se ku ka shkuar ai person dhe me kë ka qëndruar ai.
