Në seancën e sotme plenare ka patur përlasje midis deputetëve të opozitës dhe atyre të mazhorancës sa i përket kohës në dispozicion për të folur. Deputeti i opozitës, Halit Valteri ka kërkuar më shumë hapësirë pasi arma e tyre e vetme në atë sallë është fjala.
Ai paralajmëroi edhe një djegie të mundshme të mandatave, pasi në Kuvend nuk kanë hyrë për t’u bërë vegla të mazhorancës socialiste.
“Ne kemi vetëm fjalën këtu. Nuk ju ndalojmë dot sepse i keni blerë 25 deputetë që votojnë siç doni ju. Ose na thoni të ikim nga ky Parlament dhe rrijmë atje ku kanë dalë edhe ata të parët… por mendojmë të bëjmë diçka ndryshe këtu dhe jo të jemi vegla e 10 njerëzve që nuk kanë as karakter dhe as dinjitet. E kemi marrë këtë detyrë për të çuar vendin përpara dhe jo të bëhemi vegla të mazhorancës dhe Taulant Ballës”, u shpreh deputeti Valteri.
